សេកចិញ្ចឹមនាំចូលពីប្រទេសថៃ: សេក

ដោយវិជ្ជបណ្ឌិត ស៊ីម វិចិត្រ

១. បង្ការជំងឺឲ្យសេកចិញ្ចឹមសេកក្នុងរដូវផ្ការីក

រដូវផ្ការីកជារដូវដែលសេក និងសេកចិញ្ចឹមងាយមានជំងឺបំផុត

សេកមួយចំនួនពេលជួបអាកាសត្រជាក់ កំដៅខ្លួនក៏បានកើនឡើងដើម្បីការពារ ហើយក៏នាំឲ្យឈឺ ។ ក្នុងករណីនេះ យើងគួរយកត្រួយស្លឹកសូល (willow) ឲ្យសេក ស៊ី ដើម្បីឲ្យសេកបានត្រជាក់ ហើយយើងក៏អាចបន្ថយចំនួនគ្រាប់ដែលមានជាតិប្រេង ហើយឲ្យសេកផឹក berberin មួយដងក្នុងមួយសប្ដាហ៍ (យក berberin មួយគ្រាប់ប្រហែល ១ក្រាម លាយជាមួយនឹងទឹកស្អាត) ក៏អាចជួយឲ្យសេកត្រជាក់ជាង ។

ឯរដូវក្ដៅវិញ សេកក៏ងាយនឹងឈឺដែរ ដូច្នោះហើយក្រៅពីការថែទាំសេកដូចធម្មតា ត្រូវឧស្សាហ៍សម្អាតទ្រុង និងប្រយ័ត្នប្រភពចំណី ផ្ដល់ទឹកផឹកឲ្យសេកគ្រប់គ្រាន់ និងការពារមិនឲ្យមូសខាំ ។ ម្ដងម្កាល អាចឲ្យសេកស៊ីធញ្ញជាតិ ស៊ីគ្រាប់ស្មៅខ្ចី គ្រាប់ពោតខ្ចី ដើម្បីជួយឲ្យសេកមានមាំមួន អាចបង្ការបានជំងឺ ។

២. ព្យាបាលជំងឺក្រពេញបញ្ចេញជាតិខ្លាញ់សេក

កន្ទុយសេកមានក្រពេញបញ្ចេញជាតិខ្លាញ់មួយ វាបញ្ចេញជាតិខ្លាញ់ជួយឲ្យរោមសេករលូង ។ សេកដែលត្រូវជំងឺនេះ ត្រូវអស់កម្លាំង នឿយហត់ រោមជ្រុះ មិនស៊ីចំណី ក្រពេញបញ្ចេញជាតិខ្លាញ់ហើម ក្រហម ជួនកាលមានខ្ទុះទៀតផង។ ប្រសិនបើក្រពេញនេះត្រូវរបួស ឬត្រូវឆ្លងមេរោគ ឬត្រូវត្រជាក់ពេក ឬក្ដៅពេកក៏អាចនាំឲ្យមានជំងឺជំងឺក្រពេញបញ្ចេញជាតិខ្លាញ់សេកដែរ ។

ប្រសិនបើឃើញថាសេកត្រូវជំងឺនេះ ត្រូវព្យាបាលដោយរបៀបដូចខាងក្រោមនេះ ៖

Ø យកអាល់កុល ឬទឹកអ៊ីយ៉ូតលាងក្រពេញបញ្ចេញជាតិខ្លាញ់ ។

Ø យកម្ជុលដែលមានសម្អាតរួចហើយ បុកឲ្យធ្លុះក្រពេញបញ្ចេញជាតិខ្លាញ់ ហើយច្របាច់យកខ្ទុះចេញ (ច្របាច់ឲ្យអស់ខ្ទុះ ហើយឃើញមានឈាមទើបបាន ប្រសិនបើមិនទាន់ឃើញឈាមទេ គឺនៅសល់ខ្ទុះ និងមេរោគជំងឺនៅឡើយ) ។

Ø លាបអាល់កុល ឬអ៊ីយ៉ូតក្រពេញបញ្ចេញជាតិខ្លាញ់សេកម្ដងទៀត ។

ក្រោយពេលព្យាបាលហើយ គួរឲ្យសេកសម្រាកនៅកន្លែងស្ងាត់ ត្រជាក់ កុំឲ្យក្ដៅពេក ឬត្រជាក់ពេក ឲ្យសេកស៊ីចំណីមានជាតិបំពាន់ មួយរយៈពេលក្រោយ សេកនឹងអស់ជំងឺ ។

៣. ព្យាបាលជំងឺជើងឲ្យសេក

សេកដែលដាក់ក្នុងទ្រុងយូរ ជើងងាយត្រូវរបួសដោយសារមានដែកស្រួចបុក ឬត្រូវសត្វល្អិតដូចជា ស្រមោចជាដើម នាំឲ្យឆ្លងមេរោគ កើតខ្ទុះ ប្រសិនបើស្ថានភាពធ្ងន់ធ្ងរអាចនាំឲ្យស្អុយសាច់ ពុកឆ្អឹងទៀតផង។

ដើម្បីទប់ស្កាត់មិនឲ្យមានជំងឺនេះ យើងត្រូវឧស្សាហ៍សំអាតទ្រុងដោយថ្នាំកម្ចាត់មេរោគ ហើយក៏យកវត្ថុស្រួចដែលអាចធ្វើឲ្យសត្វរបួសចេញផុតពីទ្រុង ។ ប្រសិនបើសត្វត្រូវជំងឺហើយ យើងអាចព្យាបាលដូចខាងក្រោមនេះ៖

Ø យកកាំបិត ឬឡាម កាត់កន្លែងរបួសដើម្បីយកខ្ទុះចេញ

Ø រួចយកទឹកអំបិលវិជ្ជាសាស្ត្រលាងកន្លែងវះកាត់ ក្រោយមកលាបម្សៅអ៊ីយ៉ូត និងថ្នាំផ្សះលើកន្លែងវះកាត់។

៤. កម្ចាត់សត្វល្អិត

សត្វល្អិតដែលបង្កជំងឺឲ្យសេកតូចណាស់ វានៅក្នុងរោម និងស្បែកសេក ហើយស៊ីស្បែកសេក ជួនកាល វាជញ្ជក់ឈាមសេកផង។ ដើម្បីទប់ស្កាត់មិនឲ្យមានសត្វល្អិតបង្កជំងឺឲ្យសេក សំខាន់បំផុតគឺត្រូវរក្សាទ្រុងសេកឲ្យបានស្អាត ស្ងួតជានិច្ច ហើយត្រូវពិនិត្យសេកឲ្យ ទៀងទាត់ដើម្បីរកឃើញចៃ ឬសត្វល្អិតទាន់ពេល។ ពេលសម្អាតទ្រុងសេក យើងអាចច្រមុជទ្រុងក្នុងទឹកក្ដៅ (គ្រប់១០០អង្សាសេ)។ សម្រាប់សេកមានសត្វល្អិតធ្វើទុក្ខ យើងយកទឹកដែលបានលាយជាមួយប្រេងឥន្ធនៈស្រោចតិចៗលើរោមសេក រួចយកម្សៅ naphthalene រោយលើរោមសេក (គួរច្របាច់ស្រាលឲ្យម្សៅជ្រាបចូលដល់ស្បែក) ។

៥. ទប់ស្កាត់មិនឲ្យសេកសល់ជាតិខ្លាញ់

សេកក្នុងទ្រុងយូរ តិចចលនា ហើយស៊ីចំណីមានជាតិខ្លាញ់ច្រើន (ដូចជាគ្រាប់ឈូករ័ត្ន ល្ង សណ្ដែកដី) ងាយបណ្ដាលឲ្យសល់ជាតិខ្លាញ់។ សេកសល់ជាតិខ្លាញ់ មិនសកម្មដូចធម្មតា មិនរាំច្រៀង ពិបាកដកដង្ហើម ជួនកាលមានសេកកំពុងច្រៀងរាំ ស្រាប់តែប្រកាច់ងាប់ក៏មាន។ ដើម្បីជៀសវាងកុំឲ្យសេកសល់ជាតិខ្លាញ់ យើងគួរឲ្យសេកស៊ីគ្រាប់ចំនួន តាមវេលាបានកំណត់ ។ ម្ដងម្កាលអាចឲ្យសេកមានកន្លែងទូលាយអាចចលនាបាន ឬពង្រីកទ្រុងឲ្យសេកងាយចលនាជាង។

៦. ព្យាបាលជំងឺក្រពះឲ្យសេក

សេកស៊ីចំណីផ្អូម ឬផឹកទឹកមិនស្អាត អាចបណ្ដាលឲ្យសេកឈឺក្រពះ រលាក់ក្រពះ។ ពេលត្រូវឈឺក្រពះសេកស្គម ជ្រុះរោម សំកុក អាចម៍ទន់ មានពណ៌លឿងៗ សៗ ក្លិនមិនល្អ។ ប្រសិនបើមិនព្យាបាលទាន់ពេលទេ សេកអាចនឹងងាប់។ ដើម្បីជៀសវាងជំងឺឈឺក្រពះសេក យើងត្រូវយកចិត្តទុកដាក់ចំណី និងទឹកផឹកឲ្យសេក កុំឲ្យកខ្វក់។ សម្រាប់សេកមានជំងឺ ត្រូវដាក់នៅកន្លែងមិនត្រូវខ្យល់ កក់ក្ដៅ។ ឲ្យសេកផឹកថ្នាំរាកមួល (ពី ០.២ ដល់ ១ មិល្លីក្រាម) លាយជាមួយទឹកស្ករ។ ឲ្យសេកផឹកក្នុងរយៈពេល ៣ថ្ងៃ។ ក្រៅពីនោះ ក៏គួរលាយម្សៅធ្យូង (ធ្យូងឱសធម្មតាក៏បាន)ក្នុងចំណីសេក ធ្យូងនេះនឹងបឺតជាតិពុលក្នុងក្រពះសេក។

៧. ជំងឺផ្លូវដង្ហើម និងសួត

អាកាសធាតុផ្លាស់ប្ដូរលឿនពេក ឬក្រោយពេលងូតទឹកក៏ត្រូវខ្យល់ត្រជាក់ភ្លាម សេកក៏ងាយត្រូវជំងឺផ្ដាសាយ រោមជ្រុះ ពិបាកដកដង្ហើម ឬស្ទះបង្ហើម ស៊ីតិច ចាប់ផ្ដើមហូរទឹកច្រមុះ ជួនកាលសេកញ័រៗ ចង់ដួល ។ ធម្មតាសេកងាប់ដោយសារជំងឺនេះច្រើនណាស់។ ពេលសេកត្រូវជំងឺនេះ ត្រូវ៖

Ø រក្សាសេកនៅកន្លែងដែលមិនត្រូវខ្យល់ ប៉ុន្តែមិនមានថប់ពេក ហើយកុំអ៊ូអរ។

Ø ឲ្យសេកស៊ីចំណីសម្បូណ៌ជីវជាតិ

Ø បន្តក់ប្រេងចូលសំឡីហើយជូតច្រមុះសេក

Ø លាយទឹកស្ករ (ស្ករស) ឲ្យសេកផឹក ហើយក៏ឲ្យសេកផឹក Tetraxilin មួយថ្ងៃ២ដង មួយបងពី២ ដល់ ៣ មិល្លីក្រាមរហូតដល់ពេលសេកជាពីជំងឺ។

ក្នុងករណីមិនអាចព្យាបាលសេកដោយខ្លួនឯងបាន លោក អ្នកអាចយកសេកមក Parrot Market ដើម្បីគ្រូពេទ្យសត្វរបស់យើងខ្ញុំមើលថែឲ្យ !

សេកចិញ្ចឹមនាំចូលពីប្រទេសថៃ

Sunday, February 14, 2016

របៀបបង្រៀនសេកឲ្យឆាប់ចេះនិយាយ

Friday, July 17, 2015

វិធីព្យាបាលជំងឺសេកមួយចំនួន

Sunday, February 14, 2016

របៀបបង្រៀនសេកឲ្យឆាប់ចេះនិយាយ

Friday, July 17, 2015

វិធី​ព្យាបាល​ជំងឺ​សេកមួយ​ចំនួន​

វិធីព្យាបាលជំងឺសេកមួយចំនួន